देवचुलीमा आजबाट अन्तर विद्यालय जिल्लास्तरीय टि-२० क्रिकेट प्रतियोगिता हुँदै

देवचुली । देवचुली नगरपालिकामा आज ( सोमबार) बाट सेन्टर कलेज अन्तर विद्यालय जिल्लास्तरीय टि-२० क्रिकेट प्रतियोगिता हुने भएको छ। रोयल क्रिकेट एकेडेमीको आयोजना, देवचुली वडा नम्बर १० को समन्वय र देवचुली नगर युवा तथा खेलकुद विकास समितिको सहयोगमा माघ १५ गते देखि माघ २४ गतेसम्म प्रतियोगिता संचालन गरिने भएको हो । १६ वर्ष मुनिका खेलाडीहरुको सहभागिता रहने प्रतियोगिताबाट यु-१६ का जिल्लास्तरीय खेलाडी छनोट समेत गरिने आयोजकले जनाएको छ।

प्रतियोगितामा प्रथम हुने टिमले नगद ३५ हजार रुपैयाँसहित मेडल, प्रमाणपत्र र ट्रफी प्राप्त गर्नेछ भने द्वितीय हुने टिमले नगद १५ हजार रुपैयाँसहित मेडल, प्रमाणपत्र र ट्रफी प्राप्त गर्नेछ। प्रतियोगिताका हरेक खेलको म्यान अफ दि म्याचसहित प्रतियोगिताको उत्कृष्ट खेलाडी,बलर र ब्याट्सम्यानलाई ट्रफी र प्रमाणपत्र प्रदान गरिनेछ। प्रतियोगिता अन्तर्गत आजको समुदघाटन खेल जन ज्योति माध्यमिक विद्यालय देवचुलीका विरुद्ध युनिक बोडिङ्ग स्कुल गैंडाकोटबीच हुने खेल संयोजक सन्तोष न्यौपानेले जानकारी दिए।