हुप्सेकोटका ७० घर अव्यवस्थित बसोबासीलाई जग्गाधनी प्रमाणपुर्जा वितरण

ज्ञानु पंगेनी,नवलपुर ।राष्ट्रिय भूमि आयोग नवलपुरले हुप्सेकोटबाट जग्गाधनी प्रमाणपुर्जा वितरण थालेको छ । हुप्सेकोट वडा नम्बर दुईमा शनिबार जग्गाधनी प्रमाणपुर्जा वितरण गरेर जिल्लामा नै पहिलो पटक जग्गाधनी प्रमाणपुर्जा वितरणको थालनी गरेको हो । यहाँका ७० अव्यवस्थित बसोबासीहरुलाई जग्गाधनी प्रमाणपुर्जा वितरण गरिएको राष्ट्रिय भूमि आयोग नवलपुरका सदस्य राम ब्लोन तामाङले जानकारी दिनुभयो ।

गाउँपालिका अध्यक्ष लक्ष्मी पाण्डे , वडा अध्यक्ष तथा सदस्यहरूको सहभागितामा अव्यवस्थित बसोबासीहरुलाई जग्गाधनी प्रमाणपुर्जा वितरण गरिएको आयोगका सदस्य तामाङले बताउनुभयो ।मध्यविन्दु–१ र हुप्सेकोट–३ को भूमिहीन सुकुम्बासी र भूमिहीन दलित परिवार पुनर्पुष्टि प्रकृया सुरु भएकाले आयोगले अब छिट्टै नै त्यहाँ पनि जग्गाधनी प्रमाणपुर्जा वितरण गर्ने तामाङले जानकारी दिनुभयो ।