आज: २०८१ मंसिर १०, सोमबार | Mon, 25, Nov, 2024 Search
कावासोती।कावासोतीमा बाल अधिकार र कर्तव्य सम्बन्धि अभिमुखिकरण कार्यक्रम सम्पन्न भएको छ। कावासोती नगरपालिका वडा नम्बर १० मा रहेको जनता माध्यमिक विद्यालय मगरकोटमा बालबालिकाहरुलाई बाल अधिकार र कर्तव्य सम्बन्धि १ दिने अभिमुखिकरण कार्यक्रम सम्पन्न गरिएको हो ।किशोरी शसक्तिकरण कार्यक्रम अन्तर्गत विद्यालय स्तरीय सचेतनामुलक कार्यक्रम आयोजना गरिएको आयोजक संस्थाका राधादेवी बोटेले बताउनुभयो ।
कार्यक्रममा सहभागीलाई बाल अधिकार र बाल अधिकारका ४ खम्बाहरु, किशोरी अधिकार, बालमैत्री स्थानीय शासन, बालमैत्री वार्ड र नगरपालिका निर्माणमा बालबालिका र बालक्लवको भुमिका, बालबालिकामा लगानीका लागि सरोकारवालाहरुमा हुनु पर्ने चासो र लगानी गर्नु पर्ने कारणहरु, अर्थपूर्ण सहभागिता र नगर, प्रदेश र केन्द्रमा बालबालिकाका लागी भएका राम्रा प्रयासहरुको बारेमा सहजीकरण गरिएको थियो ।उक्त कार्यक्रममा किशोरी अभियन्ताहरु मान्सु न्यौपाने र अलिसा पन्थीले सहभागीहरुलाई स्वागत गर्दै कार्यक्रमको उदेश्य, कार्यक्रमको विषयबस्तु र कावासोती नगरपालिकामा संचालन भईरहेको किशोरी शसक्तिकरण कार्यक्रम तथा बालमैत्री अभियानका लागि सरोकारवालहरुसंगको समन्वय सहकार्यमा गरिरहेको विभिन्न गतिविधिहरुको बारेमा बताउँदै कार्यक्रम संचालन गर्नु भएको थियो।
कार्यक्रममा रोट्रर्याक्ट नवलपुर सिटिका निवर्तमान अध्यक्ष बुलेट सिग्देलले बालबालिकाले यो उमेरमा यस्ता कुराहरु सिक्न अति नै आवश्यक रहेको, यस्ता कुराको जानकारीले बौद्धिक रुपमा मात्र नभई शैक्षिक रुपमा पनि सहयोग पुर्याउने र हामिलै अनुशासित र जिम्मेवार बनाउन सहयोग पुर्याउने बताउनुभयो।कार्यक्रममा आयोजक संस्थाका सामाजिक परिचालक राधा बोटेले बालबालिका आफैंमा पनि अनुशासित बन्नु पर्ने, अधिकार माग्ने मात्र नभई पहिले आफ्ना कर्तव्यहरु पनि पूरा गर्नु पर्ने कुरा बताउनु भएको थियोे ।
विद्यालय बाल क्लबकी सदस्य कृशला न्यौपानेले कार्यक्रमको अध्यक्षता गर्नु भएको थियो भने रोट्रर्याक्ट नवलपुर सिटिका अध्यक्ष ऋषि गौतम र निवर्तमान अध्यक्ष बुलेट सिग्देल अतिथिको रुपमा उपस्थित हुनु भएको थियो ।कार्यक्रम जागृति बाल तथा युवा सरोकार नेपालको आयोजना र क्यान्नलनको सहयोग र कन्सोर्टियम नेपाल र रोट्रर्याक्ट नवलपुर सिटिको समन्वय रहेको थियो।
