गैंडाकोटमा ट्रकमा मोटरसाइकल ठोक्किँदा एक जनाको मृत्यु

नवलपुर ।ट्रकको पछिल्लो भागमा मोटरसाइकल ठोक्किँदा गैंडाकोटमा एक जनाको मृत्युु भएको छ । हर्कपुरस्थित उन्नति कल्चरल भिलेज नजिकै सोमबार राति पश्चिमबाट पूर्वतर्फ आउँदै गरेको प्रदेश २-०३-००१ ख ६२८४ नम्बरको ट्रकमा सोही दिशाबाट आएको बागमती प्रदेश ०३-००४प ७१६५ नम्बरको मोटरसाइकल ठक्कर खाँदा अमरापुरीका मोटरसाइकल चालक ३० वर्षीय राजु क्षेत्रीको टाउकोमा गम्भीर चोट लागेको थियो । उपचारको क्रममा उनको ज्यान गएको इलाका प्रहरी कार्यालय गैंडाकोटले जनाएको छ ।

ट्रकको पछाडिको भागमा मोटरसाइकल ठोक्किएर टाउकोमा चोट लागि गम्भीर घाईते भएका क्षेत्रीलाई उपचारका लागि भरतपुर पठाईएको र उपचारको क्रममा उनको ज्यान गएको इलाका प्रहरी कार्यालय गैंडाकोटका प्रहरी निरीक्षक हस्तबहादुर सुनारले बताए । ट्रक र चालकलाई गैंडाकोट प्रहरीले नियन्त्रणमा लिएको छ ।