वडास्तरीय भेट्रान्स फुटबल प्रतियोगिता: देवचुली १४ र देवचुली १७ विजयी

देवचुली। देवचुलीमा संचालित प्रथम देवचुली नगरपालिका वडास्तरीय भेट्रान्स नकआउट फुटबल प्रतियोगितामा देवचुली १४ र देवचुली १७ विजयी भएको छ।प्रगतिकला मन्दिर युवा क्लबको आयोजना तथा देवचुली १४ को सह आयोजनामा जन ज्योति नमूना मा वि को खेल मैदानमा संचालित प्रतियोगितामा सोमबार देवचुली १४ र देवचुली १७ विजयी भएका हुन् ।

सोमबार भएको पहिलो खेलमा देवचुली १४ ले देवचुली ५ लाई ट्राई बेकरमा ५-४ गोल अन्तरले विजय हुँदै दोस्रो चरण प्रवेश गरेको हो।निर्धारित समयमा दुवै टिमबाट २-२ को बराबरी गोल भएपछि खेल ट्राई बेकरमा गएको थियो। निर्धारित समयमा देवचुली १४ बाट डम्बरबहादुर खुन्दुलुक र नवराज बसेलले १/१ गोल गरेका थिए भने देवचुली ५ बाट दिलिप थापा मगरले २ गोल गरेका थिए।खेलमा देवचुली १४ का गोलरक्षक नारायण बसेल म्यान अफ दि म्याच भएका थिए।

त्यसै गरि दोस्रो खेलका लागि देवचुली ८ नआएपछि देवचुली १७ लाई विजयी घोषणा गरिएको थियो।

प्रतियोगितामा प्रथम हुने टिमले नगद २५ हजार रुपैयाँसहित शिल्ड,मेडल र प्रमाणपत्र प्राप्त गर्नेछ भने उपबिजेताले नगद १५ हजार रुपैयाँसहित शिल्ड,मेडल र प्रमाणपत्र प्राप्त गर्नेछ।प्रतियोगिताका उत्कृष्ट खेलाडी,गोलरक्षकलाई पुरस्कारको व्यवस्था रहेको आयोजकले जनाएको छ।प्रतियोगितामा मंगलबार देवचुली १० र देवचुली १६ बिच हुने खेल संयोजक प्रकाश श्रेष्ठले जानकारी दिए।

सोमबारको खेलमा देवचुली नगरपालिकाका प्रवक्ता तथा देवचुली ११ का वडा अध्यक्ष तिलप्रसाद काफ्ले,देवचुली ५ का वडा अध्यक्ष कृष्णप्रसाद सापकोटा,देवचुली १० का वडा अध्यक्ष रेप्तीकुमार घर्ती मगर,देवचुली १२ का वडा अध्यक्ष लोकप्रसाद भुर्तेल,देवचुली १४ का वडा अध्यक्ष गोपाल थापा लगायतको उपस्थिति रहेको थियो।