देवचुलीमा रक्तदान कार्यक्रम सम्पन्न

देवचुली ।विश्व रेडक्रस दिवसको अवसरमा नेपाल रेडक्रस सोसाइटी प्रगतिनगर उपशाखाले सोमबार बृहत रक्तदान कार्यक्रम सम्पन्न गरेको छ ।

देवचुली १५ मा रहेको महाराजा सामुदायिक वन उपभोक्ता समुहको भवनमा नवलपुर रक्तसञ्चार सेवा कावासोती र नेपाल रेडक्रस सोसाइटी कावासोती उपशाखाको प्राविधिक सहयोगमा कार्यक्रम सम्पन्न भएको हो । बिहान ७ बजेदेखि दिउँसो २ बजेसम्म संचालन भएको कार्यक्रममा ४ महिलासहित ४२ जना रक्तदाताहरुले रक्तदान गरेका छन् ।

प्रगतिनगर उपशाखाका सभापति देवेन्द्रप्रसाद शर्माको सभापतित्वमा भएको कार्यक्रममा नेपाल रेडक्रस सोसाइटी नवलपुर जिल्ला उपशाखाका उपसभापति डिल्लीराम कडरीयाको प्रमुख आतिथ्यता रहेको थियो।

त्यसै गरि कार्यक्रममा कावासोती उपशाखाका सभापति बाबुराम कंडेल,महाराजा सामुदायिक वन उपभोक्ता समितिका अध्यक्ष गनबहादुर राना लगायतको उपस्थिति रहेको थियो। औपचारिक कार्यक्रमको संचालन प्रगतिनगर उपशाखाका सचिव निर्मला पाण्डे कंडेलले गर्नुभएको थियो।