फागु पूर्णिमाको शुभकामना आदान-प्रदान कार्यक्रम सम्पन्न

चितवन। नेपाल पशुपंक्षी औषधी बजार प्रतिनिधि संघ नारायणगढले फागुपूर्णिमाको शुभकामना आदानप्रदान कार्यक्रम सम्पन्न गरेको छ। शनिबार होटल दियालो फुडल्याण्ड भरतपुरमा कार्यक्रम आयोजना गरिएको हो ।

नेपाल पशुपंक्षी औषधी बजार प्रतिनिधि संघ नारायणगढका अध्यक्ष विष्णु बस्नेतको अध्यक्षता भएको कार्यक्रममा नेपाल पशुपंक्षी औषधी व्यवसायी संघका केन्द्रीय अध्यक्ष पुर्णचन्द्र सापकोटाको प्रमुख आतिथ्यता रहेको थियो। त्यसै गरि संघका केन्द्रिय सचिव दिनेश कट्टेल,बाग्मती प्रदेशका अध्यक्ष ईश्वरीप्रसाद आचार्य ,चितवन शाखाका अध्यक्ष लक्ष्मीलाल घिमिरे ,नवलपुर शाखाका अध्यक्ष ध्रुव पौडेललगायत संघका जिल्ला तथा शाखाका कार्यसमितिका पदाधिकारीहरुको उपस्थिति रहेको थियो।

शुभकामना कार्यक्रममा मन्तव्य राख्दै संघका केन्द्रीय अध्यक्ष सापकोटाले हरेक कार्यक्रममा नेपाल पशुपंक्षी औषधी बजार प्रतिनिधि संघ नारायणगढ शाखासँग सहकार्य गर्ने बताए। नारायणगढ शाखाले विभिन्न सामाजिक कार्यहरु गर्दै आइरहेकोले अझै सक्रिय भइ काम गर्न समेत सापकोटाले शुभकामना दिए।

कार्यक्रममा सहभागी सम्पूर्णले फागु पूर्णिमाको शुभकामना व्यक्त गरेका संघका अध्यक्ष बस्नेतले बताए। २०७३ सालमा स्थापना भएको संघले स्थापना कालदेखि नै विभिन्न सामाजिक कार्य गर्दै आइरहेको छ।