प्रथम वडाध्यक्ष कप फुटबल प्रतियोगिताको उपाधी देवचुली ११ लाई

देवचुली। देवचुली नगरपालिका १३ मा संचालन भइरहेको प्रथम वडाध्यक्ष कप फुटबल प्रतियोगितामाको फाइनलमा देवचुली ११ विजयी भएको छ ।राष्ट्रको लागि खेलकुद,स्वास्थ्यका लागि खेलकुद भन्ने नाराका साथ देवचुली १३ को आयोजना र देवचुली युवा क्लबको सह आयोजनामा प्रथम वडाध्यक्ष कप फुटबल प्रतियोगिता आयोजना गरिएको हो ।

शुक्रबार भएको देवचुली ११ धारापानी र देवचुली १६ बिचको फाइनल खेलमा देवचुली ११ विजयी भएको छ।देवचुली ११ को जितको लागी समुहका कप्तान सुमन आलेले गरेको १ गोल नै निर्णायक गोल रहेको थियो।

खेलको बिजेता देवचुली ११ धारापानी र उप बिजेता देवचुली १६ ले क्रमश नगद ४० हजार र २५ हजारको साथमा ट्रफी मेडल र प्रमाणपत्र प्राप्त गरेका छन्।खेल अवधिभर उत्कृष्ट खेल प्रदर्शन गर्दै सुमन आले बेस्ट प्लेयर अफ द टुर्नामेन्ट हुन सफल भएका छन्।