सुनवलको तुरिया खोला पुल भासियो, पुर्व पश्चिम राजमार्ग अवरुद्ध

नवलपरासी। अविरल बर्षासंगै आएको बाढीले पश्चिम नवलपरासीको सुनवल स्थित तुरीया खोलाको पुल भासिएको छ । पुल भासिएपछि पुर्व पश्चिम राजमार्ग अवरुद्ध भएको छ । पुलको २० देखी २५ प्रतिशत भाग चर्किएको जिल्ला प्रहरी कार्यालयका सुचना अधिकारी राजु लामाले जानकारी दिनुभएको छ ।

पुल जोखिममा परेपछि राती देखी नै पुलमा सवारी साधन आवतजावतमा रोक लगाईएको थियो । पुर्व पश्चिम राजमार्ग अन्तरगत नै बर्दघाट स्थित लण्डनव्रिज पुल पनि जोखिममा रहेको प्रहरी नायव उपरिक्षक लामाले बताउनुभयो । राजमार्ग विस्तारका क्रममा बनाईएका डाईभर्सन पनि जोखिममा रहेको लामाले बताउनुभएको छ । राती नै रुपन्देहीको देवदह स्थित घोडाहा र सित्तलनगर जोड्ने पुल भासिदा पुर्वपश्चिम राजमार्ग अवरुद्ध भएको थियो ।