आज: २०८१ चैत्र २१, बिहिबार | Thu, 03, Apr, 2025 Search
नवलपुर । चैत ७ गतेबाट हुने एसईई परीक्षामा देवचुली नगरपालिकाबाट १ हजार ६९ जना सहभागी हुने भएका छन् ।देवचुलीबाट साधारण धारतर्फ ९९७ जना तथा प्राविधिक तर्फ ७२ जना परीक्षार्थी रहेको देवचुली नगरपालिकाका शिक्षा अधिकृत नन्दलाल ढकालले बताउनुभयो ।
उहाँका अनुसार नगरपालिकाका ५ परीक्षा केन्द्रबाट १७ विद्यालयका विद्यार्थीले परीक्षा दिनेछन् । जसमा ९ सामुदायिक विद्यालय, ७ वटा संस्थागत विद्यालय र १ वटा गुरुकुल रहेका छन् । देवचुली नगरपालिकामा वरचुली मावि, देवचुली मावि, नेपाल मावि, जनज्योति नमुना मावि र जनज्योति माविमा परीक्षा केन्द्र रहनेछ ।
नवलपुरबाट यस वर्ष ६ हजार ४ सय ८२ जना एसईईमा सहभागी हुने भएका छन् । जसमध्ये ३ हजार २ सय ४७ छात्रा र ३ हजार २ सय ३५ छात्र रहेका छन् । जिल्लामा ८६ सामुदायिक, ४९ संस्थागत, ५ गुरुकुल , प्राविधिक धारतर्फ ८ र खुल्ला १ विद्यालयबाट विद्यार्थीहरु एसईईमा सहभागी हुँदैछन् । नवलपुरमा २८ परीक्षा केन्द्र तोकिएको शिक्षा विकास तथा समन्वय इकाइ नवलपुरले जनाएको छ ।
