देवचुलीमा चौथो देवचुली मेयर कप फुटबल प्रतियोगिता हुने

देवचुली । देवचुली नगरपालिकामा चौथो देवचुली मेयर कप फुटबल प्रतियोगिता हुने भएको छ । देवचुली नगरपालिका युवा तथा खेलकुद विकास समितिको आयोजना तथा फारम खेलकुद विकास समितिको सह आयोजनामा फागुन १० गतेबाट वरचुली माविको खेलमैदान देवचुली १७ मा प्रतियोगिता संचालन गर्न लागिएको हो ।

प्रतियोगितामा प्रथम हुने टिमले १ लाख ५५ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने उपबिजेता हुने टिमले ८१ हजार रुपैयाँ नगदसहित मेडल, ट्रफी र प्रमाणपत्र प्राप्त गर्नेछ। त्यसै गरि सेमिफाइनल पुग्ने दुई टिमले २०/२० हजार रुपैयाँ प्राप्त गर्नेछन् । प्रतियोगिताको उत्कृष्ट खेलाडी, सर्वोकृष्ट गोलरक्षक, सर्वाधिक गोलकर्तालाई पुरस्कारको व्यवस्था रहेको फारम खेलकुद विकास समितिका अध्यक्ष प्रकाश हमालले जानकारी दिए । खेलका लागि फागुन ७ गतेसम्म टिम दर्ता गर्न सकिने र टिम दर्ताका लागि १० हजार रुपैयाँ शुल्क लाग्ने आयोजकले जनाएको छ । टिम दर्ताका लागि इसेवा ( ९८४७४६२६४४ ) मा रकम पठाउन सकिने आयोजकले व्यवस्था गरेको छ । खेलको बारेमा थप जानकारीका लागि ९८०८३०१३१३, ९८००७१११२३, ९८२१४११६९५, ९८४५८२०९३६, ९८१४४८८१०० मा सम्पर्क गर्न सकिने जनाइएको छ ।