नेवाः देय दबु देवचुलीको दोस्रो नगर अधिवेशनबाट रामकृष्ण श्रेष्ठको नेतृत्वमा नयाँ समिति चयन

देवचुली । नेवाः देय दबु देवचुली नगर समितिको दोस्रो अधिवेशनले रामकृष्ण श्रेष्ठको अध्यक्षतामा ११ सदस्यीय नयाँ नगर समिति चयन गरेको छ । जसको वरिष्ठ उपाध्यक्षमा घनश्याम कतिला, महिला उपाध्यक्ष दुर्गा श्रेष्ठ, सचिवमा भिमबहादुर श्रेष्ठ, कोषाध्यक्षमा लोकप्रसाद श्रेष्ठलाई सर्वसम्मत रुपमा चयन गरेको छ ।

त्यसैगरी सदस्यहरुमा लिलाप्रसाद श्रेष्ठ, ओमनकुमार श्रेष्ठ, रत्न प्रजापति, ओमकुमारी श्रेष्ठ, भोलाशंकर श्रेष्ठ र राजेन्द्र श्रेष्ठलाई सर्वसम्मत चयन गरेको नेवा देय दबु नवलपुरका सचिव रामकुमार श्रेष्ठले बताउनुभयो ।

निवर्तमान अध्यक्ष ईश्वरबहादुर श्रेष्ठको अध्यक्षतामा भएको अधिवेशनमा नेवा देय दबुका केन्द्रिय उपाध्यक्ष हरिकुमार श्रेष्ठ, जिल्ला सचिव रामकुमार श्रेष्ठ लगायतले शुभकामना मन्तव्य राख्नुभएको थियो । अधिवेशनमा जिल्ला अध्यक्ष कृष्णकुमार श्रेष्ठ, जिल्ला उपाध्यक्ष जयराम श्रेष्ठ, देवचुलीका ५ वटा नेवा गुठीका सदस्यहरु लगायतको सहभागिता रहेको थियो ।

उद्घाटन कार्यक्रममा बोल्दै केन्द्रिय उपाध्यक्ष हरि श्रेष्ठले नेवा समुदायका बालबालिकालाई विद्यालयमा हामी आफैले भएपनि बेलाबेलामा नेवारी भाषा (नेपाल भाषा) को बारेमा कक्षा लिएर भाषाको संरक्षण गर्नु पर्नेमा जोड दिनुभयो ।