आज: २०८१ मंसिर ६, बिहिबार | Thu, 21, Nov, 2024 Search
देवचुली । देवचुली नगरपालिका वडा नम्बर १४ मा संचालित प्रथम देवचुली खुला फुटबल प्रतियोगितामा शुक्रबार देवचुली दलित युवा समाज विजयी विजयी भएको छ । विजयादशमी तथा शुभ दिपावलीको अवसरमा देवचुली दलित युवा समाजको आयोजनामा देवचुली १४ को जन ज्योति नमुना माविको खेलमैदानमा देवचुली दलित युवा समाजका विरुद्ध युनाइटेड युवा क्लब गिरबारीबीच भएको खेलमा देवचुली दलित युवा समाज विजयी भएको हो ।
देवचुली दलित युवा समाजले युनाइटेड युवा क्लबलाई २-० गोल अन्तरले हराउँदै अर्को चरणमा प्रवेश गरेको हो । शुक्रबारको खेलमा
देवचुली दलित युवा समाजका विवश नेपाली म्यान अफ दि म्याच भएका थिए ।
प्रतियोगितामा प्रथम हुने टिमले नगद ६० हजार रुपैयाँसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद ३० हजार रुपैयाँँ सहित मेडल, ट्रफी र प्रमाणपत्र प्राप्त गर्नेछ । त्यसै गरि प्रतियोगिताका उत्कृष्ट खेलाडी, सर्वोकृष्ट गोलरक्षक र सर्वाधिक गोलकर्तालाई पुरस्कारको व्यवस्था रहेको आयोजक समाजका अध्यक्ष राकेश बिकले जानकारी दिए । प्रतियोगिता संचालनबाट बचत भएको रकमबाट विपन्न विद्यार्थीहरुलाई न्यानो कपडा वितरण गर्ने उद्देश्य समेत रहेको उनले बताए ।
प्रतियोगिता अन्तरगत शनिबार प्रगतिकला मन्दिर युवा क्लबका विरुद्ध साविक पिठौली र पृथ्वी समाज सेवा क्लबका विरुद्ध युवा तथा खेलकुद विकास समिति देवचुली १ बीच खेल हुने आयोजकले जनाएको छ।
