देवचुलीमा प्रथम देवचुली खुला फुटबल प्रतियोगिता हुने

देवचुली । देवचुली नगरपालिकामा प्रथम देवचुली खुला फुटबल प्रतियोगिता हुने भएको छ । विजयादशमी तथा शुभ दिपावलीको अवसरमा देवचुली दलित युवा समाजको आयोजनामा देवचुली १४ को जन ज्योति नमुना माविको खेलमैदान असोज ३० गतेबाट खेल संचालन गर्न लागिएको हो ।

प्रतियोगितामा प्रथम हुने टिमले नगद ६० हजार रुपैयाँसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद ३० हजार रुपैयाँँ सहित मेडल, ट्रफी र प्रमाणपत्र प्राप्त गर्नेछ । त्यसै गरि प्रतियोगिताका उत्कृष्ट खेलाडी, सर्वोकृष्ट गोलरक्षक र सर्वाधिक गोलकर्तालाई पुरस्कारको व्यवस्था रहेको आयोजक समाजका अध्यक्ष राकेश बिकले जानकारी दिए । प्रतियोगिता संचालनबाट बचत भएको रकमबाट विपन्न विद्यार्थीहरुलाई न्यानो कपडा वितरण गर्ने उद्देश्य समेत रहेको उनले बताए । खेलमा सहभागी हुनका लागि नगद ५ हजार ५ सय रुपैयाँ दर्ता शुल्क लाग्ने आयोजकले जनाएको छ ।