कावासोती १७ मा दोस्रो सेभेन ए साइड फुटबल प्रतियोगिता हुँदै

देवचुली । कावासोती १७ मा दोस्रो सेभेन ए साइड फुटबल प्रतियोगिता हुने भएको छ । विजयादशमीको अवसरमा सुर्योदय क्लबले असोज १६ गतेबाट सरस्वती माध्यमिक विद्यालय, गोछडाको खेलमैदानमा प्रतियोगिता संचालन गर्न लागिएको हो ।

प्रतियोगितामा प्रथम हुने टिमले ३० हजार ५ सय ५० रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने उपबिजेता हुने टिमले १५ हजार ५ सय ५० रुपैयाँ नगदसहित मेडल, ट्रफी र प्रमाणपत्र प्राप्त गर्नेछ। त्यसै गरि उत्कृष्ट खेलाडी, सर्वोकृष्ट गोलरक्षक, सर्वाधिक गोलकर्ता तथा उत्कृष्ट डिफेन्डरलाई पुरस्कारको व्यवस्था रहेको खेल समिति सदस्य आशिष श्रेष्ठले जानकारी दिए । खेलका लागि असोज १५ गतेसम्म टिम दर्ता गर्न सकिने र टिम दर्ताका लागि ३ हजार रुपैयाँ शुल्क लाग्ने आयोजकले जनाएको छ ।