देवचुलीमा नाईन ए साइड अन्डर- २० फुटबल प्रतियोगिता हुँदै

देवचुली । देवचुलीमा नाईन `ए´ साइड अन्डर- २० फुटबल प्रतियोगिता हुने भएको छ । धौलागिरी प्रकृति क्लबको आयोजनामा भदौ ८ गतेदेखि महाराजा सामुदायिक वनको कार्यालयसँगै रहेको खेलमैदानमा प्रतियोगिता संचालन गर्न लागिएको हो । प्रतियोगितामा मुख्य प्रायोजक सेन्ट्रल कलेज भरतपुर रहेको आयोजकले जनाएको छ ।

२० वर्ष मुनिका खेलाडीहरुको सहभागिता रहने प्रतियोगितामा प्रथम हुने टिमले २० हजार रुपैयाँ नगदसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले १० हजार रुपैयाँसहित मेडल, ट्रफी र प्रमाणपत्र प्राप्त गर्नेछ । त्यसै गरि उत्कृष्ट खेलाडी, सर्वोकृष्ट गोलरक्षक तथा सर्वाधिक गोलकर्तालाई पुरस्कारको व्यवस्था रहेको आयोजक क्लबका अध्यक्ष भिम सुबेदीले जानकारी दिए । प्रतियोगिताका सहभागी हुने टिमलाई २ हजार रुपैयाँ सहभागिता शुल्क लाग्ने आयोजकले जनाएको छ ।