आज: २०८१ कार्तिक १४, बुधबार | Wed, 30, Oct, 2024 Search
देवचुली । नेकपा एमाले देवचुली ९ वडा कमिटीको अध्यक्षमा मेखबहादुर थापा सारु मगर निर्वाचित भएका छन् । वडा कमिटीको शुक्रबार भएको दोस्रो वडा अधिवेशनबाट सारुको नेतृत्वमा २२ सदस्यीय वडा कमिटी गठन गरिएको हो ।
जसको उपाध्यक्षमा मधुमाया गुरुङ, सचिवमा भिमबहादुर श्रेष्ठ, उपसचिवमा विष्णुबहादुर खडका र विनु गुरुङ, सदस्यहरुमा राममणी न्यौपाने, अन्जना श्रेष्ठ, पुनम लामा, निमप्रसाद राना, लक्ष्मी दराई ( राई), सीता नेपाली, शर्मा माकिम, तुलमाया मोग्मी, गिता पाध्या, आइतमान गुरुङ, सरीना गुरुङ, कुम्भ सिं गुरुङ, प्रेमबहादुर गुरुङ, राजकुमार नेपाली, सम्झना सुनार, सरस्वती विक, जितुमाया सिंजाली सर्वसम्मत निर्वाचित भएको निर्वाचन कमिटी संयोजक रहेका नेकपा एमाले देवचुली नगर कमिटीका अध्यक्ष भिमलाल तिवारीले जानकारी दिए । त्यसै गरि होमनाथ पौडेलको संयोजकत्वमा ३ सदस्यीय लेखा कमिटी गठन गरिएको छ । जसको सदस्यमा उमापती पाण्डे र ज्योती गुरुङ रहेका छन् ।
नेकपा एमालेका पुर्व गण्डकी प्रदेश सचिवालय सदस्य एवं गण्डकी प्रदेश सभा सदस्य रोशन गाहा मगरको प्रमुख आतिथ्यतामा भएको दोस्रो वडा अधिवेशनमा नेकपा एमाले गण्डकी प्रदेश कमिटीका सदस्य एवं देवचुली इन्चार्ज तिलप्रसाद काफ्ले, जिल्ला कमिटीका सदस्य, देवचुली नगर कमिटी का पदाधिकारी तथा सदस्यहरु, पार्टीका सदस्यहरुको उपस्थिति रहेको थियो ।
नवनिर्वाचित वडा अध्यक्ष सारुले आफ्नो नेतृत्वमा गठन गरिएको वडा कमिटीले वडामा पाटीको सक्रियता बढाउँदै आगामी चुनावमा तिनैतहमा एमालेको जित निकाल्ने प्रतिबद्धता व्यक्त गरेका थिए ।
