नवलपुरको खेलकुद विकास समितिको अध्यक्षमा सेत बहादुर पुन

नवलपुर । गण्डकीका विभिन्न जिल्लाहरुमा रिक्त खेलकुद विकास समितिमा सत्ता साझेदार दलहरुबीच भागबन्डा गरिएको छ । गण्डकी प्रदेश सरकारको नेतृत्व गरिरहेको नेपाली कांग्रेसले ६ जिल्लामा अध्यक्षसहित कोषाध्यक्ष र सरकारमा सहकार्यको भूमिकामा रहेको नेकपा एमालेले ५ जिल्लामा अध्यक्ष र कोषाध्यक्ष पाउने गरी गरिएको सहमति बमोजिम पदाधिकारीहरु मनोनयन गरिएको हो ।

नेपाली कांग्रेसले ५ जिल्लामा उपाध्यक्ष र सचिव तथा नेकपा एमालेले ६ जिल्लामा उपाध्यक्ष र सचिवसहित पदाधिकारी गरिएको परिषदका अध्यक्ष एवं सामाजिक विकास, युवा तथा खेलकुद मन्त्री बिन्दुकुमार थापाले बताएका छन् ।

नवलपुरको जिल्ला खेलकुद विकास समितिको अध्यक्ष सेत बहादुर पुन पुनः नियुक्ति हुनुभएकोछ । उपाध्यक्षमा अम्बिका पाण्डे, सचिव निरज गौतम र कोषाध्यक्ष राजु चापागाइ नियुक्त भएका हुन् भने सदस्यमा तेज कुवँर क्षेत्री मनोनित भएका छन ।