प्रगतिनगर खानेपानी तथा सरसफाइ उपभोक्ता संस्थाको अध्यक्षमा ४ जनाको उम्मेदवारी

देवचुली । प्रगतिनगर खानेपानी तथा सरसफाइ उपभोक्ता संस्था देवचुली १४ को नयाँ नेतृत्व चयन निर्वाचनबाट हुने भएको छ । संस्थाको यही चैत ३० गते तय गरिएको निर्वाचनमा १४ पदका लागि ५४ जनाले उम्मेदवारी दर्ता गरेका छन् ।

संस्थाको अध्यक्षका लागि दुर्गा देवी विष्ट, डिल्लीराम कडरिया, सुदिप न्यौपाने र इन्द्रमणी भुसालले उम्मेदवारी दर्ता गरेका छन् । संस्थाको सचिव पदका लागि विष्णुप्रसाद न्यौपाने, ढुण्डीराज काफ्ले, रुद्र बहादुर मोक्तान र रेशमराज दवाडीले उम्मेदवारी दर्ता गरेका छन् । त्यसै गरि ब्लक १ कार्यसमिति सदस्यका लागि चिरञ्जीवी पाण्डे, कृष्ण बहादुर थापा, विष्णुप्रसाद आचार्य र सविना श्रेष्ठ कार्की, ब्लक २ कार्यसमिति सदस्यका लागि लक्ष्मी कुमाल, पदुमा थापा मगर, राधिका लम्साल र तारा सुनार, ब्लक ३ कार्यसमिति सदस्यका लागि तारादेवी सापकोटा, सुमित्रा आले, नवराज तिवारी र नैना रानाभाट, ब्लक ४ कार्यसमिति सदस्यका लागि मोतिलाल अधिकारी, रविचन्द्र गिरी, भीमलाल पाण्डे र बलिभद्र न्यौपाने, ब्लक ५ कार्यसमिति सदस्यका लागि रिखीमाया सिंजाली, राधिका कुमाल, जानुका देवी सापकोटा सुबेदी र तुलमाया कुमाल, ब्लक ६ कार्यसमिति सदस्यका लागि भुवाराज पाठक, टिकाबहादुर आले र विष्णुकुमारी भट्टराई , ब्लक ७ कार्यसमिति सदस्यका लागि इन्द्रमणी गौतम, शान्तिमाया सापकोटा, ईश्वरीप्रसाद सिग्देल र तारापती काफ्ले, ब्लक ८ कार्यसमिति सदस्यका लागि विमला अधिकारी, समुन्द्री सिजापति मगर र सुनिता सापकोटा, ब्लक ९ कार्यसमिति सदस्यका लागि बालकृष्ण बराल मगर, बुद्धि बहादुर लुंगेली, सुनिता पाध्य र देवीमाया रानाले उम्मेदवारी दर्ता गरेका छन् ।

संस्थाको लेखा समितिको संयोजकमा जीवन श्रेष्ठ, वाला कृष्ण काफ्ले, डिल्लीराज पौडेल र होमबहादुर बिकले उम्मेदवारी दर्ता गरेका छन् भने लेखा समिति महिला सदस्यमा हीराकुमारी भुर्तेल, कमला भट्टराई शर्मा, विन्दु दाहाल कोइराला र टेकमाया थापा साथै लेखा खुला सदस्यमा शिवलाल पराजुली, नारायण प्रसाद शर्मा, होमनाथ अर्याल र कुन्तादेवी नेपालीले उम्मेदवारी मनोनयन गरेका छन् । संस्थाको निर्वाचनबाट अध्यक्ष, सचिव र प्रत्येक ब्लकबाट १/१ जना सदस्य चयन गरिने र लेखा समितिको संयोजक सहित २ जना सदस्य चयन हुने निर्वाचन समितिका संयोजक जीवलाल श्रेष्ठले जानकारी दिनुभयो ।

निर्वाचन कार्य तालिका अनुसार चैत २० गते बिहान ११ बजेदेखि ३ बजेसम्म उम्मेदवार माथि दावी विरोधको समय तोकिएको छ । ४८२८ जना मतदाता रहेको प्रगतिनगर खानेपानी तथा सरसफाइ उपभोक्ता संस्थाको नवौं अधिवेशनको कार्यसमिति तथा लेखा समिति चयनका लागि चैत ३० गते बिहान ९ बजेदेखि दिउँसो ५ बजेसम्म जन ज्योति नमूना माविमा निर्वाचन गरिने निर्वाचन समितिले जनाएको छ ।