देवचुली खानेपानी तथा सरसफाइ उपभोक्ता संस्थाको अध्यक्षमा बलराज बिक निर्वाचित

देवचुली । देवचुली खानेपानी तथा सरसफाइ उपभोक्ता संस्था देवचुली ७, ८ र ९ को अध्यक्षमा बलराज बिक निर्वाचित भएका छन् । संस्थाको नयाँ कार्यसमिति चयनका लागि शनिबार भएको निर्वाचनबाट बिकले निकटतम प्रतिष्पर्धी ढकलाल काफ्लेसँग ८६ मत अन्तरले विजय भएका हुन् । १२५६ जना मतदाता रहेको देवचुली खानेपानी तथा सरसफाइ उपभोक्ता संस्थाको निर्वाचनमा ८५९ मत खसेको छ । अध्यक्ष निर्वाचित बलराज बिकले ३६९ मत ल्याई विजयी हुँदा निकटतम प्रतिष्पर्धी ढकलाल काफ्लेले २८३ मत र अर्का अध्यक्षका उम्मेदवार कृष्णबहादुर क्षेत्रीले १५३ मत ल्याएका हुन् ।

संस्थाको उपाध्यक्षमा नन्दकला केसी विजयी भएकी छन् । केसीले ३९८ मत ल्याई विजयी हुँदा निकटतम प्रतिष्पर्धी बिनु गुरुङले ३१४ मत ल्याएकी छन् । सचिवमा यमप्रसाद भुसाल विजयी भएका छन् । भुसालले ४४४ मत ल्याई विजयी हुँदा निकटतम प्रतिष्पर्धी कृष्णबहादुर बिकले ३१४ मत ल्याएका छन् । कोषाध्यक्षमा शेरबहादुर राना विजयी भएका छन् । रानाले ४२५ मत ल्याई विजयी हुँदा निकटतम प्रतिष्पर्धी रिलकुमारी तामाङ्ले २९७ मत ल्याएकी छन् ।

लेखा सदस्य खुल्लामा अनिता कामी विजयी भएकी छन् । कामीले ३६६ मत ल्याई विजयी हुँदा निकटतम प्रतिष्पर्धी रुद्रप्रसाद सुबेदीले ३०४ मत ल्याएका हुन् । त्यसै गरि लेखा महिला सदस्यमा चन्द्रमाया बाचे विजयी भएकी छन् । बाचेले ३७६ मत ल्याई विजयी हुँदा निकटतम प्रतिष्पर्धी देवीमाया बिकले २८७ मत ल्याएकी छन् ।

त्यसै गरि तिनकन्या टोलबाट सदस्यमा बिर्खमाया लुंगेली, फुलबारी टोलबाट सदस्यमा बुद्धिमाया थापा, कालिका टोलबाट सदस्यमा गंगाबहादुर भट्टराई, हरियाली टोलबाट सदस्यमा तारा खनाल, सिद्धी विनायक टोलबाट सदस्यमा लालबहादुर बाचे मगर `क´, मिलन टोलबाट सदस्यमा शर्मिला तामाङ, लालीगुरास टोलबाट सदस्यमा कमला खरेल, प्रगति टोलबाट सदस्यमा आश पुरे कामी, भीमसेन टोलबाट सदस्यमा दिलबहादुर तामाङ विजयी भएका छन् ।

संस्थाको उपाध्यक्ष, सचिव, कोषाध्यक्ष , लेखा सदस्यहरु बलराज बिकको प्यानलबाट निर्वाचित भएका हुन् । बिकको प्यानलबाट तिनकन्या टोल सदस्य, फुलबारी टोल सदस्य , कालिका टोल सदस्य, हरियाली टोल सदस्य, सिद्धी विनायक टोल सदस्य र भीमसेन टोलका सदस्य निर्वाचित भएका छन् भने काफ्ले प्यानलबाट मिलन टोल सदस्य, लालीगुरास टोल सदस्य र प्रगतिटोल सदस्य निर्वाचित भएका हुन् । संस्थाको लेखा समितिको संयोजकमा भीमबहादुर श्रेष्ठ निर्विरोध निर्वाचित भएका थिए ।

संस्थाको नयाँ कार्यसमिति चयनका लागि जिवलाल श्रेष्ठको संयोजकत्वमा अविनाश पन्थी र शिव सापकोटा सदस्य रहेको निर्वाचन समिति गठन गरिएको थियो ।