आज: २०८१ चैत्र २१, बिहिबार | Thu, 03, Apr, 2025 Search
देवचुली । देवचुली नगरपालिका शिक्षा शाखाद्वारा कक्षा ५ र ८ को वार्षिक परीक्षाका लागि केन्द्राध्यक्षहरुलाई परीक्षा संचालन तथा व्यवस्थापन सम्बन्धि अभिमुखीकरण कार्यक्रम सम्पन्न गरिएको छ । यही चैत ८ गतेबाट १५ गतेसम्म संचालन हुने परीक्षाका लागि मंगलबार जन ज्योति नमुना माध्यमिक विद्यालयको सभाहलमा केन्द्राध्यक्षहरुलाई अभिमुखिकरण कार्यक्रम गरिएको हो ।
देवचुली नगरपालिकामा सामुदायिक विद्यालयका कक्षा ५ का विद्यार्थीहरुलाई ८ वटा परीक्षा केन्द्र र कक्षा ८ को आधारभूत तह परीक्षाका लागि ९ वटा केन्द्र चयन गरिएको देवचुली नगरपालिका शिक्षा शाखा प्रमुख रामप्रसाद शर्माले जानकारी दिनुभयो । उहाँका अनुसार कक्षा ५ का लागि वरचुली माध्यमिक विद्यालय, नेपाल माध्यमिक विद्यालय, कुमारवर्ती आधारभूत विद्यालय, सकलादेवी माध्यमिक विद्यालय, कालिका माध्यमिक विद्यालय, भीमसेन आदर्श माध्यमिक विद्यालय, नेपाल राष्ट्रिय शारदा आधारभूत विद्यालय र प्रभात जनता आधारभूत विद्यालयलाई केन्द्र तोकिएको छ भने आधारभूत तह उतीर्ण परीक्षाका लागि विश्व ज्योति माध्यमिक विद्यालय, मुनलाइट इङलिस स्कुल, पृथ्वी माध्यमिक विद्यालय, भीमसेन आदर्श माध्यमिक विद्यालय, सकलादेवी माध्यमिक विद्यालय, शान्ती सिर्जना आधारभूत विद्यालय, नेपाल राष्ट्रिय शारदा आधारभूत विद्यालय, वाइजभिजन इङलिस बोडिङ स्कुल र कुमारवर्ती इङलिस स्कुललाई केन्द्र तोकिएको छ ।
देवचुली नगरपालिकामा कक्षा ५ को सामुदायिक विद्यालयमा अध्ययनरत ८६९ जना विद्यार्थी र कक्षा ८ मा सामुदायिक तथा संस्थागत विद्यालयमा ११९३ जना विद्यार्थी परीक्षामा सम्मिलित हुने जनाइएको छ । मंगलबार विद्यालयका प्रधानाध्यापक र केन्द्राध्यक्षहरुलाई परीक्षा संचालन तथा व्यवस्थापन बारेमा शिक्षा शाखा प्रमुख रामप्रसाद शर्माले सहजीकरण गर्नुभएको थियो ।
