दोस्रो पुरुष तथा महिला भलिबल प्रतियोगिता : पुरुषतर्फ रतवल र महिलातर्फ पृथ्वी मगर समाजलाई उपाधि

देवचुली । देवचुली १० मा संचालित दोस्रो पुरुष तथा महिला भलिबल प्रतियोगितामा पुरुषतर्फ रतवल र महिलातर्फ पृथ्वी मगर समाजले उपाधि जितेको छ । ४३ औं मगर एकता दिवसको अवसरमा पृथ्वी मगर समाज देवचुली १० को आयोजना, जागृति बाल तथा युवा सरोकार नेपालको सहयोग, देवचुली नगर युवा तथा खेलकुद विकास समिति र वडा खेलकुद विकास समिती देवचुली १० को समन्वयमा संचालन भएको प्रतियोगितामा बुधबार भएको महिलातर्फ विशालटारलाई हराउँदै पृथ्वी मगर समाज उपाधि जितेको हो । पृथ्वी मगर समाजले विशालटारलाई २-१ को सेटले हराएको हो ।

त्यसै गरि बिहीबार रतवलका विरुद्ध जिएम समाज बीच भएको पुरुष तर्फको फाइनलमा रतवल विजयी हुँदै उपाधी जितेको हो । रतवलले जिएम समाजलाई ३-० को सोझो सेटले हराएको हो ।

पुरुषतर्फ बिजेता रतवलले नगद ५१ हजार रुपैयाँ सहित मेडल, ट्रफी र प्रमाणपत्र प्राप्त गरेको छ भने उप बिजेता जिएम समाजले २५ हजार रुपैयाँ सहित मेडल, ट्रफी र प्रमाणपत्र प्रदान गरेको छ ।त्यसै गरि महिलातर्फ बिजेता पृथ्वी मगर समाजले नगद १५ हजार रुपैयाँ सहित मेडल, ट्रफी र प्रमाणपत्र प्राप्त गरेको छ भने उप बिजेता विशालटारले १० हजार रुपैयाँ सहित मेडल, ट्रफी र प्रमाणपत्र प्रदान गरेको छ ।

बिजेता र उपबिजेतालाई बिहीबार भएको मगर एकता दिवसको अवसरमा आयोजित कार्यक्रममा पुरस्कार वितरण गरिएको हो । पुरुष तर्फ १३ टिम र महिलातर्फ प्रतियोगितामा ७ टिमको सहभागिता रहेको थियो ।