दोस्रो पुरुष तथा महिला भलिबल प्रतियोगिता : महिलातर्फ पृथ्वी मगर समाजलाई उपाधि

देवचुली । देवचुली १० मा संचालित दोस्रो पुरुष तथा महिला भलिबल प्रतियोगितामा आज भएका महिलातर्फको फाइनल खेलमा पृथ्वी मगर समाजले उपाधि जितेको छ । ४३ औं मगर एकता दिवसको अवसरमा पृथ्वी मगर समाज देवचुली १० को आयोजना, जागृति बाल तथा युवा सरोकार नेपालको सहयोग, देवचुली नगर युवा तथा खेलकुद विकास समिति र वडा खेलकुद विकास समिती देवचुली १० को समन्वयमा संचालन भएको प्रतियोगितामा महिलातर्फ विशालटारलाई हराउँदै पृथ्वी मगर समाज उपाधि जितेको हो । पृथ्वी मगर समाजले विशालटारलाई २-१ को सेटले हराएको हो ।

महिलातर्फ बिजेता पृथ्वी मगर समाजले नगद १५ हजार रुपैयाँ सहित मेडल, ट्रफी र प्रमाणपत्र प्राप्त गर्नेछ भने उप बिजेता विशालटारले १० हजार रुपैयाँ सहित मेडल, ट्रफी र प्रमाणपत्र प्रदान गर्नेछ । बिजेता र उपबिजेतालाई बिहीबार हुने मगर एकता दिवसको कार्यक्रममा पुरस्कार वितरण गरिने आयोजकले जनाएको छ । महिलातर्फ प्रतियोगितामा ७ टिमको सहभागिता रहेको थियो ।

प्रतियोगिता अन्तरगत बिहीबार पुरुषतर्फ रतवलका विरुद्ध जिएम समाजबीच फाइनल खेल हुनेछ । पुरुष तर्फ १३ टिम सहभागिता रहेको प्रतियोगितामा प्रथम र दितीय हुनेका लागि क्रमशः नगद ५१ हजार र २५ हजार रुपैयाँ सहित मेडल, ट्रफी र प्रमाणपत्र प्रदान गरिने खेल संयोजक पुर्णबहादुर सारुले जानकारी दिए। भलिबल खेलमा उत्कृष्ट खेलाडीका लागि पुरस्कारको व्यवस्था रहेको आयोजकले जनाएको छ ।