आज: २०८१ चैत्र २२, शुक्रबार | Fri, 04, Apr, 2025 Search
देवचुली । देवचुली नगरपालिका वीपी स्मृति कप अन्तरपालिका रनिङ शिल्ड फुटबलको फाइनलमा प्रवेश गरेको छ । नेपाली काँग्रेस गैंडाकोटको आयोजनामा क्षेत्रीय रंगशाला गैँडाकोटमा संचालित प्रतियोगिताको दोस्रो सेमिफाइनल खेलमा विनयी त्रिवेणी गाउँपालिकालाई हराउँदै देवचुली फाइनल प्रवेश गरेको हो ।
देवचुलीले विनयी त्रिवेणीलाई ५-१ गोल अन्तरले हराउँदै फाइनल प्रवेश गरेको हो । आज भएको सेमिफाइनल खेलमा देवचुलीका सुमन आले म्यान अफ दि म्याच भएका थिए । जितसँगै देवचुली नगरपालिका बुधबार उपाधिका लागि हुप्सेकोट गाउँपालिकासँग प्रतिस्पर्धा गर्नेछ । हुप्सेकोट गाउँपालिकाले पहिलो सेमिफाइनल सोमबार गैंडाकोट नगरपालिकालाई पराजित गरेको थियो ।
प्रतियोगिताको बिजेताले एकलाख रुपैँया सहित मेडल, ट्रफी र प्रमाणपत्र प्राप्त गर्नेछ भने उप बिजेताले ५० हजार रुपैँया सहित मेडल, ट्रफी र प्रमाणपत्र प्राप्त गर्नेछ । त्यसै गरि सर्वोत्कृष्ट खेलाडीले १० हजार रुपैँया, सर्वाधिक गोलकर्ताले पाँच हजार रुपैँया र सर्वोत्कृष्ट गोलरक्षकले पाँचहजार रुपैँया प्राप्त गर्ने आयोजकले जनाएको छ ।
