आज:  २०८१ चैत्र २२, शुक्रबार | Fri, 04, Apr, 2025 Search
FLASH NEWS

चौथो देवचुली मेयर कप फुटबल प्रतियोगिता : मंगलबार पटिहानी फुटबल क्लब विजयी

    प्रकाशित २०८१ फागुन १३, मंगलबार (१ महिना अघि)


देवचुली । देवचुली नगरपालिकामा संचालित चौथो देवचुली मेयर कप फुटबल प्रतियोगितामा मंगलबार पटिहानी क्लब विजयी भएको छ । देवचुली नगरपालिका युवा तथा खेलकुद विकास समितिको आयोजना तथा फारम खेलकुद विकास समितिको सह आयोजनामा वरचुली माविको खेलमैदान देवचुली १७ मा मंगलबार पटिहानी फुटबल क्लबका विरुद्ध देवचुली युवा तथा खेलकुद विकास समितिबीच भएको खेलमा पटिहानी फुटबल क्लब विजयी हुँदै दोस्रो चरणमा प्रवेश गरेको हो ।

पटिहानी फुटबल क्लबले देवचुलीलाई ६-२ गोल अन्तरले हराएको हो । मंगलबार भएको खेलमा पटिहानी फुटबल क्लबका अजय चौधरी म्यान अफ दि म्याच भएका थिए ।

नवलपुर, चितवन र पश्चिम नवलपरासीका १५ टिमको सहभागिता रहेको प्रतियोगितामा प्रथम हुने टिमले १ लाख ५५ हजार रुपैयाँ नगद सहित मेडल, ट्रफी र प्रमाणपत्र प्राप्त गर्नेछ भने उपबिजेता हुने टिमले ८१ हजार रुपैयाँ नगदसहित मेडल, ट्रफी र प्रमाणपत्र प्राप्त गर्नेछ। त्यसै गरि सेमिफाइनल पुग्ने दुई टिमले २०/२० हजार रुपैयाँ प्राप्त गर्नेछन् । प्रतियोगिताको उत्कृष्ट खेलाडी, सर्वोकृष्ट गोलरक्षक, सर्वाधिक गोलकर्तालाई पुरस्कारको व्यवस्था रहेको फारम खेलकुद विकास समितिका अध्यक्ष प्रकाश हमालले जानकारी दिए । ।

प्रतियोगिता अन्तरगत बुधबार कावासोतीका विरुद्ध फारम खेलकुद विकास समितिबीच खेल हुने आयोजकले जनाएको छ ।

Write your Comment