प्रथम पुरुष तथा महिला भलिबल प्रतियोगिता : महिलातर्फ पृथ्वी मगर समाज र विशालटार फाइनल प्रवेश

देवचुली । देवचुली १० मा संचालित प्रथम पुरुष तथा महिला भलिबल प्रतियोगितामा आज भएका महिलातर्फका खेलबाट पृथ्वी मगर समाज र विशालटार फाइनल प्रवेश गरेका छन् । ४३ औं मगर एकता दिवसको अवसरमा पृथ्वी मगर समाज देवचुली १० को आयोजनामा संचालन भएको प्रतियोगितामा महिलातर्फ मध्यविन्दु नगरपालिका वडा नम्बर ८ लाई हराउँदै पृथ्वी मगर समाज फाइनल प्रवेश गरेको छ । पृथ्वी मगर समाजले मध्यविन्दु-८ लाई २-० को सोझो सेटले हराएको हो ।

त्यसै गरि विशालटारले देवचुली- ८ मुढाबासलाई हराउँदै फाइनल प्रवेश गरेको हो । विशालटारले मुढाबासलाई २-० को सोझो सेटले नै हराएको हो । महिला तर्फको फाइनल खेल बुधबार हुने आयोजकले जनाएको छ ।

पुरुष तर्फ १३ टिम र महिला तर्फ ७ टिमको सहभागिता रहेको प्रतियोगितामा महिला भलिबल प्रतियोगितामा प्रथम र दितीय हुने टिमका लागि क्रमशः नगद १५ हजार र १० हजार रुपैयाँ सहित मेडल, ट्रफी र प्रमाणपत्र प्रदान गरिने र पुरुष तर्फ प्रथम र दितीय हुनेका लागि क्रमशः नगद ५१ हजार र २५ हजार रुपैयाँ सहित मेडल, ट्रफी र प्रमाणपत्र प्रदान गरिने खेल संयोजक पुर्णबहादुर सारुले जानकारी दिए। भलिबल खेलमा उत्कृष्ट खेलाडीका लागि पुरस्कारको व्यवस्था रहेको आयोजकले जनाएको छ ।