आठौं नवलपुर महोत्सव : रत्यौली प्रतियोगीताका लागि समुह दर्ता गर्न आह्वान

कावासोती । नवलपुर उद्योग वाणिज्य संघद्धारा आयोजित सातौं नवलपुर महोत्सवबाट समावेश गरिएको रत्यौली प्रतियोगितालाई आठौं नवलपुर महोत्सव–२०८१ मा समेत निरन्तरता दिने भएको छ । नवलपुर जिल्ला भित्र रहेका विभिन्न जातजातिहरुको कला , भाषा , संस्कृति संरक्षण, संवर्द्धन गर्ने उदेश्यका साथ रत्यौली प्रतियोगितालाई निरन्तरता दिईएको रत्यौली प्रतियोगिता उप समिति संयोजक कुमारी कृष्ण पाण्डेले जानकारी दिनुभयो ।

आधुनिकताको नाममा लोप हुदै जान लागेको रत्यौली गितलाई संरक्षण र प्रवर्द्धन गर्न प्रतियोगिता आयोजना गरिएको संयोजक पाण्डेले बताउनुभयो । सातौं नवलपुर महोत्सवमा महिला दिदी बहिनीहरुको उत्साहजनक सहभागीता रहेकाले आठौं संस्करणमा समेत यस प्रतियोगिता समावेश गरीएको पाण्डेले जानकारी दिनुभयो ।

प्रतियोगितामा सहभागीता जनाउन चाहनुहुने विभिन्न आमा समुह, संघ संस्थाहरुलाई माघ २२ गते भित्र नवलपुर उद्योग वाणिज्य संघको कार्यालयमा निःशुल्क समुह दर्ता गर्न आह्वान गरीएको छ । समुह दर्ता गर्दा समुहले प्रस्तुत गरीने गित सहित दर्ता गर्नुपर्ने जनाईएको छ । आठौं नवलपुर महोत्सव यही माघ २५ गते देखि फागुन १० गतेसम्म कावासोती–१६, अंकुर सामुदायिक वन कार्यालय परिसरको खेल मैदानमा आयोजना गरीएको छ ।