देवचुली १७ मा खुला वडास्तरीय भलिबल प्रतियोगिता हुने

देवचुली । देवचुली १७ पिप्रहरमा खुला वडास्तरीय भलिबल प्रतियोगिता हुने भएको छ । दोस्रो पिप्रहर माघी मेला मूल आयोजक समितिको आयोजनामा पौष २९ गतेदेखि माघ १ गतेसम्म पिप्रहर सामुदायिक होमस्टे नजिकको खेलमैदानमा प्रतियोगिता संचालन गर्न लागिएको हो ।

प्रतियोगितामा बिजेता हुने वडाले नगद ४० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ भने उप बिजेता हुने वडाले नगद २५ हजार रुपैयाँ सहित शिल्ड, मेडल र प्रमाणपत्र प्राप्त गर्नेछ । खेलका लागि दर्ता शुल्क ३ हजार १ सय रुपैयाँ लाग्ने र आफ्नो वडाको खेलाडी मात्र सहभागी गराउनुपर्ने दोस्रो माघी मेलाका खेल संयोजक सन्दिप पौडेलले जानकारी दिए ।