सातौं नगर स्तरीय फुटबल प्रतियोगिता : कावासोती ४ र कावासोती ५ सेमिफाइनल प्रवेश

नवलपुर । कावासोती नगरपालिकाको वडा नम्बर १ मा संचालित सातौं कावासोती नगर स्तरीय फुटबल प्रतियोगितामा बिहीबार कावासोती ४ र कावासोती ५ विजयी भएका छन् । कावासोती नगर खेलकुद समितिको आयोजना तथा कावासोती नगरपालिका वडा नम्बर १ को कार्यालय एवं नव छहारी सङ्गम युवा क्लवको समन्वयमा संचालित प्रतियोगिता अन्तरगत बिहीबार भएको पहिलो खेलमा कावासोती ४ विजयी भएको हो ।

कावासोती ४ ले कावासोती १ लाई ट्राइबेकरमा ४-२ गोल अन्तरले हराउँदै सेमिफाइनल प्रवेश गरेको हो । पहिलो खेलमा कावासोती ४ का दिपक महतो म्यान अफ दि म्याच भएका थिए । त्यसैगरी बिहीबार नै भएको कावासोती ५ र कावासोती ६ बिचको खेलमा कावासोती ५ विजयी भएको छ । कावासोती ५ ले कावासोती ६ लाई ३-० गोल अन्तरले हराउँदै सेमिफाइनलमा प्रवेश गरेको हो । दोस्रो खेलमा कावासोती ५ का विमल गुरुङ म्यान अफ दि म्याच भएका थिए । प्रतियोगितामा शुक्रबार कावासोती ५ र कावासोती १७ बिच सेमिफाइनल खेल हुने आयोजकले जनाएको छ ।

कावासोती नगरपालिकाका १७ वडाबीच प्रतिष्पर्धा हुने प्रतियोगितामा प्रथम हुने वडाले नगद ५० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ भने उप बिजेता हुने वडाले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ। प्रतियोगिताको सेमिफाइनल पुग्ने दुई टिमले १०/१० हजार रुपैयाँ पाउनेछन् । त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सवोकृष्ट गोलरक्षकलाई पुरस्कारको व्यवस्था रहेको कावासोती नगर खेलकुद विकास समितिका अध्यक्ष ध्रुव खनालले जानकारी दिनुभयो ।