सातौं नगर स्तरीय फुटबल प्रतियोगिता : बुधबार कावासोती ८ र कावासोती १७ सेमिफाइनल प्रवेश

नवलपुर । कावासोती नगरपालिकाको वडा नम्बर १ मा संचालित सातौं कावासोती नगर स्तरीय फुटबल प्रतियोगितामा बुधबार कावासोती ८ र कावासोती १७ विजयी भएका छन् । कावासोती नगर खेलकुद समितिको आयोजना तथा कावासोती नगरपालिका वडा नम्बर १ को कार्यालय एवं नव छहारी सङ्गम युवा क्लवको समन्वयमा संचालित प्रतियोगिता अन्तरगत बुधबारको भएको पहिलो खेलमा कावासोती १७ विजयी भएको हो ।

कावासोती १७ ले कावासोती १६ लाई २-१ गोल अन्तरले हराउँदै सेमिफाइनल प्रवेश गरेको हो । पहिलो खेलमा कावासोती १६ का सुमन परियार म्यान अफ दि म्याच भएका थिए । त्यसैगरी बुधबार नै भएको कावासोती ८ र कावासोती १४ बिचको खेलमा कावासोती ८ विजयी भएको छ । कावासोती ८ ले कावासोती १४ लाई ४-३ गोल अन्तरले हराउँदै सेमिफाइनलमा प्रवेश गरेको हो । प्रतियोगितामा बिहीबार पहिलो खेल कावासोती १ का विरुद्ध कावासोती ४ र दोस्रो खेल कावासोती ५ का विरुद्ध कावासोती ६ बीच क्वाटरफाइनलका खेल हुने आयोजकले जनाएको छ ।

कावासोती नगरपालिकाका १७ वडाबीच प्रतिष्पर्धा हुने प्रतियोगितामा प्रथम हुने वडाले नगद ५० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ भने उप बिजेता हुने वडाले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ।

प्रतियोगिताको सेमिफाइनल पुग्ने दुई टिमले १०/१० हजार रुपैयाँ पाउनेछन् । त्यसै गरि प्रतियोगिताको उत्कृष्ट खेलाडी, सर्वाधिक गोलकर्ता र सवोकृष्ट गोलरक्षकलाई पुरस्कारको व्यवस्था रहेको कावासोती नगर खेलकुद विकास समितिका अध्यक्ष ध्रुव खनालले जानकारी दिनुभयो ।