सातौं वडास्तरीय नाइन ए साइड फुटबल प्रतियोगिता : देवचुली १ सेमिफाइनल प्रवेश

देवचुली । देवचुली नगरपालिका वडा नम्बर ११ मा संचालित सातौं वडास्तरीय नाइन ए साइड फुटबल प्रतियोगितामा सोमबार देवचुली १ विजयी भएको छ । पृथ्वी समाज सेवा क्लबको ३१ औं वार्षिकोत्सव एवम् स्व. रामवीर पुलामीको स्मृतिमा पृथ्वी समाज सेवा क्लबको आयोजनामा देवचुली ११ को सुर्य किरण आधारभूत विद्यालयको खेलमैदानमा संचालन भएको खेलमा देवचुली १ का विरुद्ध देवचुली १७ रातोका बिचको खेलमा देवचुली १ विजयी भएको हो ।

देवचुली १ ले देवचुली १७ रातोलाई २-१ गोल अन्तरले हराउँदै सेमिफाइनलमा प्रवेश गरेको हो । खेलमा देवचुली १ सन्दिप मल्लले २ गोल गरेका थिए भने देवचुली १७ रातोका सन्दिप तामाङले १ गोल गरेका थिए । आजको खेलमा देवचुली १ का सन्दिप मल्ल म्यान अफ दि म्याच भएका छन् । प्रतियोगितामा मंगलबार देवचुली १० का विरुद्ध देवचुली १६ बीच क्वाटरफाइनल खेल हुने आयोजकले जनाएको छ ।

देवचुली नगरपालिकाका १६ टिमको सहभागिता रहेको प्रतियोगितामा प्रथम हुने टिमले नगद ६१ हजार १ सय ११ रुपैयाँसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद ३५ हजार ५ सय ५५ रुपैयाँँ सहित मेडल, ट्रफी र प्रमाणपत्र प्राप्त गर्नेछ । त्यसै गरि प्रतियोगिताका उत्कृष्ट खेलाडी, सर्वोकृष्ट गोलरक्षक र सर्वाधिक गोलकर्तालाई पुरस्कारको व्यवस्था रहेको आयोजक क्लबका अध्यक्ष बुद्धिबहादुर लुंगेलीले जानकारी दिनुभयो ।