आज: २०८१ मंसिर ६, बिहिबार | Thu, 21, Nov, 2024 Search
देवचुली । देवचुली नगरपालिका वडा नम्बर १४ मा संचालित प्रथम देवचुली खुला फुटबल प्रतियोगितामा आइतबार अभिषेक चर्च रजहर विजयी भएको छ । विजयादशमी तथा शुभ दिपावलीको अवसरमा देवचुली दलित युवा समाजको आयोजनामा देवचुली १४ को जन ज्योति नमुना माविको खेलमैदानमा अभिषेक चर्च रजहरका विरुद्ध हसौरा युवा क्लबबीच भएको खेलमा अभिषेक चर्च रजहर विजयी भएको हो ।
अभिषेक चर्च रजहरले हसौरा युवा क्लबलाई २-१ गोल अन्तरले हराउँदै अर्को चरणमा प्रवेश गरेको हो । शुक्रबारको खेलमा
अभिषेक चर्च रजहरका सौगात सिंजाली मगर म्यान अफ दि म्याच भएका थिए ।
प्रतियोगितामा प्रथम हुने टिमले नगद ६० हजार रुपैयाँसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद ३० हजार रुपैयाँँ सहित मेडल, ट्रफी र प्रमाणपत्र प्राप्त गर्नेछ । त्यसै गरि प्रतियोगिताका उत्कृष्ट खेलाडी, सर्वोकृष्ट गोलरक्षक र सर्वाधिक गोलकर्तालाई पुरस्कारको व्यवस्था रहेको आयोजक समाजका अध्यक्ष राकेश बिकले जानकारी दिए । प्रतियोगिता संचालनबाट बचत भएको रकमबाट विपन्न विद्यार्थीहरुलाई न्यानो कपडा वितरण गर्ने उद्देश्य समेत रहेको उनले बताए ।
प्रतियोगिता अन्तरगत सोमबार पृथ्वी समाज सेवा युवा क्लबका विरुद्ध नवबिहानी युवा क्लब डण्डाबीच खेल हुने आयोजकले जनाएको छ।
