चौंथो जितिया कप महिला फुटबल प्रतियोगिता : जगतपुर फुटबल क्लब फाइनल प्रवेश

देवचुली । कावासोती १२ मा संचालित सेन्ट्रल कलेज चौंथो जितिया कप महिला फुटबल प्रतियोगिता शनिबार जगतपुर फुटबल क्लब विजयी भएको छ । थारु महिलाहरुको महान पर्व जितियाको अवसरमा डायमण्ड युथ सोसाइटी कावासोती १२ को आयोजनामा राजमन्दिर खेल मैदानमा शनिबार जगतपुर फुटबल क्लबका विरुद्ध रोड्स रामपुरबिच भएको खेलमा जगतपुर फुटबल क्लब विजयी भएको हो ।

जगतपुर फुटबल क्लबले रोड्स रामपुरलाई ३-१ गोल अन्तरले हराउँदै फाइनल प्रवेश गरेको हो । शनिबारको खेलमा जगतपुर फुटबल क्लबका पुजा सुनार म्यान अफ दि म्याच भएका थिए ।

नवलपुर र चितवनबाट ६ टिमको सहभागिता रहेको प्रतियोगितामा प्रथम हुने टिमले नगद ५५ हजार रुपैयाँ सहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद ३५ हजार रुपैयाँ सहित मेडल, ट्रफी र प्रमाणपत्र प्राप्त गर्नेछ । त्यसै गरि सेमिफाइनलमा पुग्ने दुई टिमले १०/१० हजार रुपैयाँ पाउने आयोजक क्लबका सचिव नैनाराम थनेतले जानकारी दिनुभयो । प्रतियोगितामा प्रत्येक खेलको म्यान अफ दि म्याचलाई पुरस्कारको व्यवस्था रहेको छ । प्रतियोगिता अन्तरगत आइतबार राप्ती नगरपालिकाका विरुद्ध अभिषेक चर्च रजहरबिच दोस्रो सेमिफाइनल खेल हुने आयोजकले जनाएको छ ।