मध्यबिन्दु नगरपालिकाको वार्षिक प्रगति समीक्षा सम्पन्न

प्रकाश रेग्मी, चोरमारा । मध्यविन्दु नगरपालिकाले आर्थिक बर्ष २०८०/०८१ को वार्षिक प्रगति समिक्षा गरेको छ ।नगरपालिकाको कार्यालय /शाखाबाट सम्पन्न भएका कार्यहरूको प्रगति समिक्षा शुक्रबार नगरपालिकाको सभाहलमा भएको हो । एउटा शाखाले गरेको राम्रो काम र्को शाखाले सिक्न मिलोस भन्ने हेतुले प्रगति समीक्षाको आयोजना गरिएको मध्यविन्दु नगरपालिका प्रमुख प्रशासकीय अधिकृत रमेश घर्तीले बताउनुभयो।

समिक्षा कार्यक्रममा बोल्नुहुदैं मध्यविन्दु नगरपालिका नगर प्रमुख भिमलाल अधिकारीले आफु नियमित रुपमा नगरको विकासमा लागि परिरहेको उल्लेख गर्दै जनप्रतिनिधि कर्मचारी दुवै मिलेर काम गरे समृद्ध मध्यविन्दु खुसी नगरबासीको परिकल्पना पुरा हुने बताउनु भयो ।

कार्यक्रममा नगरपालिका भित्रका शाखा प्रमुखहरुले आफ्नो शाखाको वार्षिक प्रगतिबारे जानकारी दिनु भएको थियो । साथै उहाँहरुले शाखाको अवसर र चुनौतीबारे समेत स्पष्ट पार्नु भएको थियो । समिक्षा कार्यक्रममा कार्यपालिका सदस्यहरुले सल्लाह सुझाव पेश गर्नु भएको थियो । समिक्षा कार्यक्रममा नगर उप प्रमुख पुर्ण कला चौधरी , वडा अध्यक्षहरु ,कार्यपालिका सदस्य, विभिन्न शाखाका शाखा प्रमुख लगायतको उपस्थित रहेको थियो ।