सेन्ट्रल कलेज अन्डर- २० फुटबल प्रतियोगिता : बिहीबार सेन ठकुरी ट्राभल्स रजहर विजयी

देवचुली । देवचुलीमा संचालित सेन्ट्रल कलेज नाईन `ए´ साइड अन्डर- २० फुटबल प्रतियोगितामा बिहीबार सेन ठकुरी ट्राभल्स रजहर विजयी भएको छ । धौलागिरी प्रकृति युवा क्लबको आयोजनामा महाराजा सामुदायिक वनको कार्यालयसँगै रहेको खेलमैदानमा सेन ठकुरी ट्राभल्स रजहरका विरुद्ध चन्द्रमुखी युवा क्लब अमलटारीबिच भएको खेलमा सेन ठकुरी ट्राभल्स रजहर विजयी भएको हो। खेलमा सेन ठकुरी ट्राभल्सले चन्द्रमुखी युवा क्लबलाई ३-० गोल अन्तरले हराउँदै दोस्रो चरणमा प्रवेश गरेको हो। आजको खेलमा सेन ठकुरी ट्राभल्स रजहरका दिवश श्रेष्ठ म्यान अफ दि म्याच भएका छन् । प्रतियोगितामा मुख्य प्रायोजक सेन्ट्रल कलेज भरतपुर रहेको आयोजकले जनाएको छ ।

२० वर्ष मुनिका खेलाडीहरुको सहभागिता रहेको प्रतियोगितामा प्रथम हुने टिमले २० हजार रुपैयाँ नगदसहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले १० हजार रुपैयाँसहित मेडल, ट्रफी र प्रमाणपत्र प्राप्त गर्नेछ । त्यसै गरि उत्कृष्ट खेलाडी, सर्वोकृष्ट गोलरक्षक तथा सर्वाधिक गोलकर्तालाई पुरस्कारको व्यवस्था रहेको छ । प्रतियोगिता अन्तरगत शुक्रबार भगवती युथ क्लब कावासोतीका विरुद्ध अभिषेक चर्च रजहरसँग खेल हुने आयोजक क्लबका अध्यक्ष भिम सुबेदीले जानकारी दिए ।