बुलिङ्गटारमा सवारी दुर्घटनामा हुँदा ४ जना घाईते

देवचुली । नवलपुरको बुलिङ्टारमा भएको सवारी दुर्घटनामा परेर ४ जना घाईते भएका छन् । काठमाडौंबाट पाल्पा रामपुर हुँदै गल्याङका लागि हिडेको हाईस नवलपुरको बुलिङ्टारमा दुर्घटना भएको हो। कालीगण्डकी करिडोर अन्तरगत बुलिङ्गटार वडा नम्बर ६ धाँसीमा बा ३ ख ९७९३ नम्बरको हाईस ब्रेकफेल भई सडकको बायाँ तर्फको नालामा खस्दा दुर्घटना भएको हो ।

जिल्ला प्रहरी कार्यालयका सूचना अधिकारी साजन शर्माले दिनुभएको जानकारी अनुसार घाइते हुनेमा काठमाडौं नागार्जुन नगरपालिका-९ बस्ने ६१ वर्षीय चुडामणी श्रेष्ठ, पाल्पा रामपुर नगरपालिका-७७ का ९० वर्षीय जंग बहादुर श्रेष्ठ र ७३ वर्षीया पवित्रा लम्साल, स्याङजा गल्याङ नगरपालिका–११ कि ३१ वर्षीया दिपा बस्याल भट्टराई घाईते भएका हुन ।

हाईसमा सवार १७ जना मध्य ४ जना घाइते भएको प्रहरीले जनाएको छ । घाईतेहरुको पाल्पा अस्पतालमा उपचार भइरहेको छ ।