प्रथम पिप्रहर माघी भलिबल प्रतियोगिताको उपाधि देवचुली ९ लाई

देवचुली। प्रथम पिप्रहर माघी भलिबल प्रतियोगिताको उपाधि देवचुली ९ ले जितेको छ। पिप्रहर सामुदायिक होमस्टे ग्राम र होटेल होमस्टे तथा पर्यटन व्यवसायीहरुको संयुक्त आयोजनामा देवचुली १७ पिप्रहर गाउँमा माघी मेलाको अवसरमा संचालन भएको प्रतियोगितामा गैंडाकोट १५ लाई हराउँदै देवचुली ९ ले उपाधि जितेको हो ।

प्रतियोगिताको विजेता देवचुली ९ ले नगद २५ हजार रुपैयाँसहित मेडल,प्रमाणपत्र र ट्रफी प्राप्त गरेको छ भने उपविजेता गैंडाकोट १५ ले नगद १५ हजार रुपैयाँसहित मेडल,प्रमाणपत्र र ट्रफी प्राप्त गरेको छ। प्रतियोगिताको प्रथम पुरस्कार सेन्ट्रल कलेज भरतपुरबाट र द्वितीय पुरस्कार महालक्ष्मी क्रसर उद्योग झरही खोलाबाट सौजन्य प्राप्त भएको खेल संयोजक विष्णु आलेले जानकारी दिए।प्रतियोगितामा देवचुली नगरपालिका, गैंडाकोट नगरपालिकाबाट १० टिमको सहभागिता रहेको थियो।