आज: २०८१ मंसिर १०, सोमबार | Mon, 25, Nov, 2024 Search
देवचुली । नेपालगञ्जबाट काठमाडौं जान आउदै गरेको नाइटबस नवलपुरको देवचुलीमा आज बिहान ५ वजे दुर्घटना हुँदा ४ यात्रु घाइते भएका छन् । ४० जना यात्रु बोकेर आउदै गरेको भे १ ख ४१२८ नम्बरको बस देवचुलीको अस्थायी प्रहरी पोष्ट दलदले नजिकै राजमार्गमा पल्टिदा ४ यात्रु घाइते भएको जिल्ला प्रहरी कार्यालय नवलपुरले जनाएको छ ।
घाइते हुनेहरुमा जलेश्वर नगरपालिका वडा नम्बर १ घर भएका शनि पाण्डे, विदुर नगरपालिका वडा नम्बर ३ की कृतिका शाही, जुम्ला घर भएकी २३ बर्षिया अनिता नेपाली र बारबर्दिया नगरपालिका वडा नम्बर ५ घर भएका ३० वर्षका सुदिप केसी रहेका छन् ।घाइतेहरुलाई उपचारको लागि भरतपुर पठाइएको प्रहरीले जनाएको छ ।
