देवचुलीमा आजबाट वडा स्तरीय भलिबल प्रतियोगिता सुरु हुने

देवचुली। देवचुली नगरपालिकामा आजबाट वडा स्तरीय भलिबल प्रतियोगिता सुरु हुने भएको छ। देवचुली नगरपालिका युवा तथा खेलकुद विकास समितिको आयोजना र देवचुली ५ वडा खेलकुद विकास समितिको सह आयोजनामा आज मंसिर २८ गतेदेखि ३० गतेसम्म देवचुली ५ को सकलादेवी खेल मैदानमा प्रतियोगिता सुरु गर्न लागिएको हो।

प्रतियोगितामा देवचुली नगरपालिका भित्रका वडाहरुबीच प्रतिष्पर्धा हुने आयोजक समितिका अध्यक्ष चन्द्रबहादुर थापाले जानकारी दिए।प्रतियोगिताको सम्पुर्ण तयारी सकिएको र आज दिउँसो २ बजे नगर प्रमुख हरिप्रसाद न्यौपानेले समुदघाटन गर्ने थापाले बताए ।

प्रतियोगितामा प्रथम हुने वडाले नगद २० हजार रुपैयाँसहित मेडल,प्रमाणपत्र र ट्रफी प्राप्त गर्नेछ भने उपबिजेता हुने वडाले नगद १२ हजार रुपैयाँसहित मेडल,प्रमाणपत्र र ट्रफी प्राप्त गर्नेछ।त्यसै प्रतियोगितामा तृतीय हुने वडाले नगद ५ हजार रुपैयाँसहित मेडल,प्रमाणपत्र र ट्रफी प्राप्त गर्नेछ।महिला भलिबलको पुरस्कारको रकम पछि सार्वजनिक गर्ने र प्रतियोगिताको उत्कृष्ट खेलाडीलाई नगद पुरस्कारको व्यवस्था रहेको नगर युवा तथा खेलकुद विकास समितिका सचिव प्रकाश काफ्लेले बताए।