देवचुली वडा नम्बर ९ को वडास्तरीय खेलकुद विकास समितिको अध्यक्षमा कृष्णबहादुर आले चयन

देवचुली। देवचुली वडा नम्बर ९ को वडास्तरीय खेलकुद विकास समितिको अध्यक्षमा कृष्णबहादुर आले चयन भएका छन् ।देवचुली नगरपालिका वडा नम्बर ९ का वडा अध्यक्ष बलिराम सापकोटाको अध्यक्षतामा बसेको बैठकबाट आलेको अध्यक्षतामा ५ सदस्यीय वडा स्तरिय खेलकुद समितिको गठन गरिएको हो।

समितिको सदस्यहरुमा आइतमान गुरुङ,सोमन सिं राना,चोकलाल झेंडी र पृथ्वी गाहा चयन भएका छन् । देवचुली ९ का वडा अध्यक्ष बलिराम सापकोटाको अध्यक्षता भएको बैठकमा कार्यपालिका सदस्य मधुमाया गुरुङ ,वडा सदस्य तिलकुमारी बिक,देवचुली नगरपालिका युवा तथा खेलकुद विकास समितिका अध्यक्ष चन्द्रबहादुर थापा,टोल विकास समितिका अध्यक्ष/प्रतिनिधि लगायत खेलाडीहरुको उपस्थिति रहेको थियो।

नव गठित वडास्तरीय खेलकुद विकास समितिका अध्यक्ष आलेले वडामा खेलकुदका गतिविधिलाई चलायमान बनाउन प्रतिबद्ध रहेको बताए ।