कावासाेतीमा सयपत्री फूल प्रति केजी ५ सय रुपैयाँ कायम

कावासाेती । नवलपुरकाे कावासाेतीमा सयपत्री फूलकाे मूल्य निर्धारण गरिएको छ। कावासाेती नगरपालिका र यहाँका फूलखेति गर्ने किसानका बिच भएको छलफलमा तिहारका लागि सयपत्री फूलकाे मूल्य निर्धारण गरिएको हाे । छलफलबाट सयपत्री फूलकाे मूल्य प्रतिकेजी ५ सय रुपैयाँ ताेकेकाे हाे । बजारमा फूलकाे मूल्य एकरुपता कायम गर्न पालिकाकाे समन्वयमा मूल्य निर्धारण गरिएको हाे । अधिक्तम उपभोक्ता मूल्य निर्धारण प्रतिकेजी ५ सय रुपैयाँ ताेकिएकाे हाे ।

फूलकाे माला साइज हेरेर १०० देखि १३० रुपैयाँ सम्म ताेकेकाे छ । कावासाेती नगरपालिकाले सयपत्री फूलकाे प्रवर्द्धनका लागि मूल्य निर्धारण सहित प्लास्टिकका माला नियन्त्रण गर्न अनुगमन समेत गरेको नगर प्रमुख विष्णुप्रसाद भुसालले बताउनुभयो।