आज: २०८१ मंसिर १०, सोमबार | Mon, 25, Nov, 2024 Search
देवचुली। मध्य नेपाल बचत तथा ऋण सहकारी संस्था लिमिटेडको अध्यक्षमा तुलमणी पौडेल र उपाध्यक्षमा प्रेमाकुमारी खनाल विजयी भएका छन् । पौडेलले २१४३ मत ल्याई विजयी भए भने अध्यक्षका प्रत्यासी काशी काफ्लेले ६२३ मत ल्याए। त्यसै उपाध्यक्षमा खनालले २१४३ मत ल्याई विजयी हुँदा उपाध्यक्षका प्रत्यासी चुडामणी तिमिल्सिनाले ५२३ मत ल्याएका छन् ।
मध्य नेपाल साकोसको नेतृत्व चयनका लागि अध्यक्ष र उपाध्यक्ष पदमा मात्र निर्वाचन भएको र अन्य पदमा सर्वसम्मत भएको थियो। शनिबार बिहान ८ बजेदेखि दिउँसो ४ बजेसम्म भएको मतदानमा २९२५ जनाले मत खसेको थियो। २३०६२ मतदाता रहेको साकोसमा निर्वाचनका लागि ६ वटा केन्द्र तोकिएको थियो।
साकोसको सचिवमा डिलाराम पाण्डे, कोषाध्यक्षमा जगन्नाथ अर्याल र सदस्यहरूमा लिलाधर अधिकारी, विष्णु देवी श्रेष्ठ, लीलादेवी शर्मा, देवेन्द्र भट्टराई, नवराज पोख्रेल, रमेश प्रसाद भुर्तेल, कान्तिमाया गिरी, यमकला शर्मा र रोशन कुमार राउत सर्वसम्मत चयन भएका छन् ।यसैगरी लेखा तथा सुपरीवेक्षण समिति संयोजकमा सुरेन्द्र रिजाल,सदस्यमा अञ्जु लुँइटेल र सुनिल न्यौपाने चयन भएका हुन् ।
