देवचुलीमा रहेको बजाज शोरुममा आगलागी हुँदा ४० लाख बराबरको क्षति

देवचुली । देवचुली-१३ दलदलेमा रहेको बजाज शोरुममा आगलागी भएको छ ।गएराती १२ बजेतिर देवचुली नगरपालिका -१३ दलदले स्थितमा रहेको भुषण कुमार कुशवाहाले संचालन गर्दै आएको बजाज शोरुममा बिजुली सर्ट भई आगलागी भएको जिल्ला प्रहरी कार्यालय नवलपुरका सूचना अधिकारी डिएसपी वेदबहादुर पौडेलले जानकारी दिनुभयो ।

रातीको समयमा लागेको आगो स्थानिय, प्रहरी र कावासोती नगरपालिकाको दमकलको सहायतामा नियन्त्रण लिईएको डिएसपी पौडेलले बताउनुभयो । आगलागीबाट झण्डै ४० लाख रुपैयाको क्षति भएको अनुमान गरिएको छ ।आगोले स्पेयर पार्टस, कम्प्युटर, ल्यापटप, फर्निचर लगायतका सामान पुर्णरुपमा नष्ट भएको प्रहरीले जनाएको छ । आगलागीबाट कुनै पनि मानवीय क्षति भने भएको छैन ।