आन्दोलनरत शिक्षक र सरकारबीच सहमति

काठमाडौं।विद्यालय शिक्षासम्बन्धी विधेयकका कतिपय प्रावधानको विरोध गर्दै आन्दोलनमा रहेका शिक्षक र सरकारबीच सहमति भएको छ ।उपप्रधान तथा गृहमन्त्री नारायणकाजी श्रेष्ठ नेतृत्वको सरकारी वार्ता टोलीसँग आन्दोलनरत शिक्षकले सहमति गरेका हुन् ।

शुक्रबार सिंहदरबारमा भएको वार्तामा सहमति जुटेको संचारमन्त्री रेखा शर्माले बताएकी छन् ।‘सहमति भएको छ । ड्राफ हुँदैछ । उहाँहरुको मागलाई संसद्‌मा सहजीकरण गर्ने प्रतिबद्धता जाहेर गरेका छौँ,’ मन्त्री शर्माले भनिन् ।