नवलपुरमा करेन्ट लागेर एक जनाको मृत्यु

प्रिय धन , हुप्सेकोट।पूर्वी नवलपरासीको हुप्सेकोट गाउँपालिकामा बिहिबार करेन्ट लागेर एक जनाको मृत्यु भएको छ । दिउँसो हुप्सेकोट गाउँपालिका ३ चौरंगी धर्मचोकमा रौतहट स्थायी घर भएका ६५ वर्षीय भिखुर मुखियाको करेन्ट लागेर मृत्यु भएको हुप्सेकोट प्रहरीले जनाएको छ । बेलहानीको धर्मचोकमा रहेको मिना फाल मगरको घरमा ब्लकको गारो लगाउने क्रममा मुखियालाई करेन्ट लागेको प्रहरीको भनाइ छ ।

काठका मिस्त्रीले झ्याल ढोकाको काम गर्ने क्रममा कुखुराको खोरको जालीमा करेन्ट सप्लाई भई मुखियालाई करेन्ट लागेको प्रहरीले बताएको छ । घटना बिहिबार दिउँसो १२ बजेको आसपासमा भएको र भिखुर मुखियालाई तत्काल मध्यविन्दु जिल्ला अस्पताल लगिएको तर अस्पतालले मृत घोषणा गरेको प्रहरीले जनाएको छ ।

रौतहटबाट मृतकका आफन्ति नआउन्जेल शवलाई मध्यविन्दु जिल्ला अस्पताल डण्डा राखिने प्रहरीले बताएको छ ।