आज: २०८१ मंसिर १०, सोमबार | Mon, 25, Nov, 2024 Search
देवचुली। देवचुली नगरपालिकाले वृद्धि गरेको कर पुनः सच्याई पुरानै करको दररेटलाई निरन्तरता दिन राष्ट्रिय स्वतन्त्र पार्टी नवलपुर क्षेत्र नम्बर १ ले माग गरेको छ। बुधबार देवचुली नगरपालिकाको प्रमुखको कार्यकक्षमा राष्ट्रिय स्वतन्त्र पार्टी नवलपुर क्षेत्र नम्बर १ का संयोजक रामप्रसाद भुर्तेलको नेतृत्वमा गएको टोलीले कर वृद्धि फिर्ता गर्न माग गर्दै ज्ञापन पत्र बुझाएको हो।
ज्ञापन पत्रमा देवचुली नगरपालिकाले आव २०८०/०८१ को कर अत्याधिक बढाएको कुरा व्यवसायी तथा जनतामार्फत व्यापक जन गुनासो आएकाले राष्ट्रिय स्वतन्त्र पार्टीको ध्यानाकर्षण भएको जनाएको छ । चरम आर्थिक संकटले दिनदिनै व्यवसायी विस्थापित र युवाहरु पलायनतर्फ उन्मुख भएको अवस्थामा व्यवसायीलाई संरक्षण र प्रोत्साहन गर्नुपर्ने अवस्थामा रहेको राष्ट्रिय स्वतन्त्र पार्टीले जनाएको छ।पार्टीले माग गरिएको विषयमा कुनै सुनुवाई नभएमा विरोधका कार्यक्रमहरु अगाडि बढाइने र त्यसबाट कुनै क्षति, हानी नोक्सानी हुन गएमा सबै जिम्मेवारी देवचुली नगरपालिका स्वयम् लिनुपर्ने ज्ञापन पत्रमा उल्लेख गरिएको छ।
ज्ञापनपत्र बुझ्दै देवचुली नगरपालिका नगर प्रमुख हरिप्रसाद न्यौपाने र उपप्रमुख पार्वता तिवारीले वृद्धि गरेको करको विषयमा छलफल गरि बैठकबाट निर्णय गरिने बताउनुभयो ।
