धर्मात्मा माध्यमिक विद्यालयमा वृक्षारोपण गर्दै विद्यार्थीहरु

बौदीकाली। बौदीकाली गाउँपालिका वडा नम्बर १ मा रहेको धर्मात्मा माध्यमिक विद्यालयमा विद्यार्थीहरुले वृक्षारोपण गरेका छन् । मंगलबार विद्यालय व्यवस्थापन समितिका अध्यक्ष रविन्द्रराज कंडेलको अध्यक्षतामा विद्यालय परिसरमा वृक्षारोपण गरिएको हो।

बर्षे बिदा सुरु हुन पूर्व विद्यार्थीहरुले विद्यालय परिसर भित्र ६० वटा धुपी ,आँप, लिची, अशोका, म्याङो स्टिक, कपुर, विरेन्द्र फुल, कल्की फुल,तेज पत्तालगायतका बिरुवा रोपिएको विद्यालयका सहायक प्रधानाध्यापक ध्रुव लामिछानेले जानकारी दिनुभयो । विद्यार्थीहरुले समूह निर्माण गरि बिरुवा हुर्काउने योजना समेत तयार गरेका सहायक प्रधानाध्यापकले बताउनुभयो ।हरियाली वातावरणले शैक्षिक संस्थामा सकारात्मक प्रभाव पार्ने उहाँले बताउनुभयो ।

कार्यक्रममा शिक्षक, कर्मचारी र विद्यार्थीको सहभागितामा बिरुवा रोप्ने कार्यक्रम सम्पन्न भएको हो ।