आज: २०८१ मंसिर ९, आईतबार | Sun, 24, Nov, 2024 Search
देवचुली। विश्व सेपाकताक्रो च्याम्पियनसिपमा भाग लिन ११ खेलाडीसहित १७ सदस्यीय नेपाली टोली थाइल्यान्ड प्रस्थान गरेको छ। जुलाई ९ देखि १६ तारिखसम्म थाइल्यान्डमा हुने ३६ औं किङ्स कपमा सहभागी हुन टोली शुक्रबार थाईल्यान्ड प्रस्थान गरेको हो।
टोलीमा २ जना महिला र ३ जना पुरुष खेलाडी देवचुली नगरपालिकाका छन् । सहभागी मध्ये निरु थापा मगर,प्रतीक्षा थनेत,विजय महतो,विपिन थनेत र पदमबहादुर थापा मगर देवचुलीबासीहरु हुन् । प्रतियोगितामा नेपालको तर्फबाट ६ पुरुष र ५ महिलाको सहभागिता रहेकोछ।प्रतियोगितामा खेलाडी बाहेक टोली प्रमुखमा नेपाल सेपाकताक्रो संघका अध्यक्ष नेत्रप्रसाद गुरुङ,व्यवस्थापकमा नेसिर मास्के,टिम म्यानेजरमा नेपाल सेपाकताक्रो संघका उपाध्यक्ष शिवप्रसाद देवकोटा र डा. यामबहादुर गुरुङ , टिम कोचमा नेपाल सेपाकताक्रो संघ गण्डकी प्रदेश उपाध्यक्ष ढाकाराम भट्टराई र रेफ्रीमा संगिन थापा मगर रहेका छन् ।
राष्ट्रिय खेलकुद परिषद्का सदस्य सचिव टंकलाल घिसिङले प्रतियोगितामा सहभागी हुने ११ खेलाडीसहित १७ सदस्यीय नेपाली टोलीलाई सफलताको शुभकामनासहित बिदाई गर्नुभएको छ। प्रतियोगितामा नेपालले पुरुष र महिला तर्फ क्वार्ड र रेगु इभेण्टमा सहभागिता जनाउनेछ।
