आज: २०८१ मंसिर ११, मंगलबार | Tue, 26, Nov, 2024 Search
नवलपुर । नवलपुर स्थित कालीगण्डकी नदीमा डुबेर दुईजना बेपत्ता भएका छन् ।शनिवार दिउँसो १ बजे गैँडाकोट नगरपालिका वडा नम्बर ३ हर्दी केलादी स्थित कालीगण्डकी नदीमा पौडी खेल्न गएका दुई जना बेपत्ता भएको जिल्ला प्रहरी कार्यालय नवलपुरका सुचना अधिकारी सन्तोष पाठकले बताए ।
नदीले बगाएर बेपत्ता हुनेमा गैंडाकोट नगरपालिका वडा नम्बर २ शिलान्यास चोक बस्ने २५ वर्षका रमेश चालिसे र चितवनको रत्ननगर नगरपालिका वडा नम्बर २ टाँडी बस्ने २४ वर्षका सुरज सुबेदी रहेका छन् ।
बेपत्ताको खोजीका लागि ईलाका प्रहरी कार्यालय गैंडाकोट र सशस्त्र प्रहरी बलको टोलि परिचालन गरिएको जिल्ला प्रहरी कार्यालय नवलपुरले जानकारी दिएको छ ।
