रेडक्रसद्वारा देवचुलीका २० परिवारलाई कम्मल प्रदान

देवचुली।नेपाल रेडक्रस सोसाईटी प्रगतिनगर उपशाखाले अति विपन्न २० परिवारलाई कम्मल प्रदान गरेको छ । अत्याधिक चिसो बढेसँगै अति विपन्न २० परिवारलाई प्रतिपरिवार एउटाका दरले कम्मल वितरण गरिएको प्रगतिनगर उपशाखाका सभापति शशिधर रेग्मीले जानकारी दिए ।

विगत ३–४ दिनदेखि शितलहरका कारण ह्वात्तै चिसो बढेपछि केन्द्रीय रेडक्रस सोसाइटीबाट जिल्ला रेडक्रसमार्फत प्रगतिनगर उपशाखालाई प्राप्त कम्मल वितरण गरिएको जनाईएको छ । तत्काललाई उपलब्ध भएको सामग्री सम्बन्धित वडाका अध्यक्षहरुसँग समन्वय वितरण गरिएको सभापति रेग्मी बताए ।

देवचुली नगरपालिका वडा नं.२, ४, ५, ९, १०, १२, १५ लगायतका वडाका अति विपन्नलाई ति सामग्री हस्तान्तरण गरिएको हो ।